Роналдунинг онаси Португалия терма жамоасининг мағлубиятидан хурсанд бўлди

Sport

−

image

Криштиану Роналдунинг онаси Долорес Авейру Португалия терма жамоасининг Миллатлар лигаси бешинчи турида Даниядан учралган йирик мағлубиятидан хурсанд эканини билдирди. Бу ҳақда у “A Bola” нашрига берган интервьюсида маълум қилди.

Жорий йилнинг 14 ноябрь куни Брага шаҳрида бўлиб ўтган учрашувда Португалия Данияга 1:4 ҳисобида мағлуб бўлди. Учрашув бошланишидан олдин Португалия терма жамоасининг барча 11 нафар футболчиси майдонга 7 рақамли либосда тушди. Бу Криштиану Роналду шарафига амалга оширилди. У аввалроқ терма жамоадаги фаолиятини якунлашини эълон қилган эди. Ўйиннинг 7-дақиқасида стадион экранларида собиқ сардорнинг сурати намойиш этилди ва мухлислар уни олқишлади.

“Роналду хафа. У ҳаммаси бошқача бўлишини истаган эди. Унинг алдангани алам қиляпти. Мен ҳам хафаман. Энди улар Брагада мағлуб бўлишди. Бу уларга муносиб натижа бўлди. Португалиянинг мағлуб бўлганидан хурсандман. Улар Криштиануга ҳурмат кўрсатишмади. Менимча, ҳатто жамоадошлари ҳам уни ҳурмат қилишмаган. Брагада унга кўрсатилган муносабат менга ёқмади, чунки бу ҳурмат унинг иштирокисиз намоён этилди”, дейди Долорес Авейру. 

Эслатиб ўтамиз, жорий йилнинг 5 ноябрь куни Роналду 41 ёшида халқаро фаолиятини якунлашини маълум қилди. У 23 йил давомида Португалия терма жамоаси сафида 234 та учрашувда майдонга тушиб, 146 та гол урди. Шунингдек, 2016 йилги Европа чемпионатида ғолиб чиқди ва Миллатлар лигасида икки марта чемпион бўлди.

Футболчи терма жамоа сафидаги сўнгги учрашувини жорий йилнинг 24 сентябрь куни Уэльсга қарши ўтказган ва жамоаси 1:0 ҳисобида ғалаба қозонган эди.


Rate Count

0

Rating

3

Rate this article

Share with your friends