Ришарлисон “Тоттенхэм”ни судга бермоқчи

“Тоттенхэм”нинг бразилиялик ҳужумчиси Ришарлисон суд орқали клуб билан шартномасини муддатидан олдин бекор қилиш имкониятини кўриб чиқмоқда. Бу ҳақда “The Athletic” хабар берди.

29 ёшли футболчи аввалроқ “Тоттенхэм”нинг Англия Премьер-лигасидаги мавсум учун таркибидан чиқарилган эди. Хабарларга кўра, Ришарлисон клуб раҳбариятига жамоани тарк этиш нияти борлигини билдирган. Бироқ унинг янги клуб топишга уринишлари муваффақиятсиз якунланган.

Нашр маълумотларига кўра, футболчи ва унинг вакиллари ҳозирда “Тоттенхэм” билан амалдаги шартномани муддатидан олдин бекор қилиш учун судга мурожаат қилиш имкониятларини ўрганмоқда.

Маълумот учун, Ришарлисон “Тоттенхэм”да 2022 йил ёзидан буён ўйнаб келмоқда. Унинг клуб билан амалдаги шартномаси 2027 йил июнь ойига қадар мўлжалланган. Ўтган мавсумда бразилиялик ҳужумчи Премьер-лигада 32 та учрашувда майдонга тушиб, 11 та гол урган.