Расман! Почеттино “Манчестер Юнайтед” бош мураббийи бўлди

Аргентиналик мураббий Маурисио Почеттино Англиянинг “Манчестер Юнайтед” клубини бошқаришга рози бўлди. Бу ҳақда жамоа матбуот хизмати хабар берди.

Маълум қилинишича, 54 ёшли мутахассис жорий йилнинг 18 ноябрь куни янги вазифасини бажаришга киришади. “Манчестер Юнайтед” АҚШ футбол федерацияси билан мураббий ва унинг штабини миллий терма жамоадаги мажбуриятларидан озод қилиш бўйича келишувга эришган. 10 та учрашувдан кейин “Манчестер Юнайтед” Англия Премьер-лигаси жадвалида 8 очко билан 18-ўринда бормоқда.

Маълумот учун, Почеттино 2024 йилдан буён АҚШ миллий терма жамоасини бошқариб келмоқда. Унинг қўл остида жамоа 2025 йилги КОНКАКАФ Олтин кубоги финалига қадар етиб борган.

Аргентиналик мутахассис фаолияти давомида “Челси”, “Тоттенхэм”, “Саутгемптон”, “Эспаньол” ва ПСЖ клубларида ишлаган. Париж жамоаси билан Франция чемпионати, Кубоги ва Суперкубогини қўлга киритган. “Тоттенхэм” эса унинг раҳбарлигида Чемпионлар лигаси финалига чиққан.

Эслатиб ўтамиз, кеча, 12 ноябрь куни Англия клуби Майкл Кэррик бош мураббийлик лавозимини тарк этганини маълум қилган эди.