Польшадаги радиоактив моддалар марказида ёнғин чиқди
World
−
09 May 2020 7385 1 minute
Польшадаги Ядро тадқиқотлари миллий маркази ҳудудида ёнғин содир бўлди. Бу ҳақда Польша Атом энергияси агентлиги хабар бермоқда.
Маълумотларга кўра, кеча, 8 май куни радиоактив моддалар ва изотоплар жойлашган марказда ёнғин чиққан.
Агентлик берган хабарга кўра, дозиметрик ўлчовлар билан ёнғин ўчирилгандан сўнг, радиоактив ифлосланиш аниқланмаган.
Атроф-муҳитга зарарли чиқиндилар чиққани ҳам қайд этилмаган.
Ҳодиса туфайли жароҳат олган ёки ҳалок бўлганлар ҳақида маълумот берилмаган. Бўлиб ўтган ёнғин сабаблари ҳуқу-тартибот органлари томонидан ўрганилмоқда.
Live
All
