Покистонда поезд рельсдан чиқиб кетди. Ҳалок бўлганлар бор (видео)
World
−
14:32 709 1 minute
Бугун, 13 октябрь куни Покистоннинг Панжоб вилоятида йўловчи поездининг рельсдан чиқиб кетиши оқибатида камида олти киши ҳалок бўлди ва 30 киши жароҳатланди. Бу ҳақда “Geo” телеканали хабар берди.
Қайд этилишича, поезд Карачидан Пешаворга қараб ҳаракатланаётган бўлган. Йўловчилардан бирининг сўзларига кўра, ҳодиса бугун, 12 октябрь куни маҳаллий вақт билан соат 05:15 атрофида содир бўлган.
“Сешанбага ўтар кечаси Мўлтондаги Шер-Шоҳ кўприги яқинида поезднинг барча 14 та вагони рельсдан чиқиб кетиши оқибатида камида олти нафар йўловчи ҳалок бўлди ва яна 30 киши жароҳат олди”, дейилади телеканал хабарида.
“Geo”нинг ёзишича, жароҳатланганлар Мўлтондаги шифохонага етказилган.
Эслатиб ўтамиз, аввалроқ Шимолий Францияда 186 нафар йўловчини олиб кетаётган поезд рельсдан чиқиб кетиши оқибатида камида 44 киши жароҳатланган эди.
Live
All
