Онана автоҳалокатдан кейин шифохонага ётқизилди

Туркиянинг “Трабзонспор” клуби камерунлик дарвозабони Андре Онана автоҳалокатдан кейин шифохонага ётқизилди. Бу ҳақда “The Sun” нашри хабар берди.

Манбага кўра, ҳодиса жорий йилнинг 22 октябрь куни “Трабзонспор”нинг Европа конференциялар лигаси доирасида Шотландиянинг “Хартс” клубига қарши уй учрашувидан (2:0) кейин содир бўлган.

Онана оиласи билан уйига қайтаётганида, бошқа автомобиль унинг машинаси орқа қисмидан катта тезликда келиб урилган. Зарба оқибатида дарвозабоннинг автомобили олдидаги машинага ҳам бориб урилган.

Ҳодиса жойига тез ёрдам ходимлари етиб бориб, Онанани текширув учун шифохонага олиб кетган. Бироқ у кўп ўтмай уйига жавоб берилган. “Трабзонспор” президенти Эртуғрул Доғоннинг айтишича, футболчи жиддий жароҳат олмаган.

Маълумот учун, 30 ёшли дарвозабон 2023 йилда “Интер”дан 50 миллион евро эвазига “Манчестер Юнайтед”га ўтган. Унинг манкунианликлар билан шартномаси 2028 йил июнига қадар амал қилади. Онана 2025 йил сентябридан буён “Трабзонспор”да ижара асосида тўп сурмоқда.