ОКМК Эрон клубига 9 тўп фарқи билан ютқазди

Sport

−

07 November 2023 visibility5541 timer1 minute

Футбол бўйича Осиё Чемпионлар лигасининг 4-турида Олмалиқнинг ОКМК клуби сафарда Эроннинг “Сепахон” жамоаси билан баҳс олиб бориб, йирик 9:0 ҳисобида имкониятни бой берди.

Эрон клуби вакилларидан Муҳаммад Жавод Ҳусайнзода ва Исса Алекасир дубль қайд этган бўлса, Фаршад Аҳмадзода, Ризо Асади, Муҳаммад Горбани, Рамин Ризоян ва Шаҳриёр Моганлу биттадан гол уришга муваффақ бўлди.

Ўйиннинг 65 дақиқасида “кончилар” вакили Акромжон Комилов ҳакам томонидан ўйиндан четлатилди. Комиловнинг қизил карточкасидан сўнг, тушкунликка тушиб қолган меҳмонлар қаторасига 5 та гол ўтказиб юборди.

Шундай қилиб, ОКМК “C” гуруҳида 4-ўринни эгаллайдиган бўлди. Охирги 2 турдаги ғалаба ҳам Миржалол Қосимов шогирдларини гуруҳдан чиқишига етарли бўлмайди.

Author