НАТО аъзолари Германияда космик марказ қуришни режалаштирмоқда

World

−

20 October 2020 visibility6822 timer1 minute

НАТОга аъзо давлатларнинг Мудофаа вазирликлари раҳбарлари Германияда космик марказ қуришни режалаштирмоқда. Бу ҳақда "Sueddeutsche Zeitung" хабар берди.

Маълумотларга кўра, марказни Рейнланд-Пфальцда жойлашган Рамштайн авиабазасида қуриш режалаштирилган.

Оммавий ахборот воситаларининг аниқлик киритишича, вазирлар бу борадаги режаларини 22 октябрь куни эълон қилишади.

Таъкидланганидек, марказ "космик фазони кузатиш марказига" айланиши керак. Шунингдек, у мудофаа чораларини кўриш учун қўмондонлик марказига айлантирилиши мумкинлиги аниқланган.

Аввалроқ, Германия ҳаво кучлари ва унинг НАТОдаги шериклари Шимолий Рейн-Вестфалиядаги авиабазада

яширин машқлар ўтказаётгани ҳақида маълумот бергандик.

Author