Месси отаси вафоти сабаб фаолиятини вақтинча тўхтатди – манба

Аргентиналик ҳужумчи Лионель Месси отаси Хорхе Мессининг вафотидан сўнг яқинлари билан бирга бўлиш учун “Интер Майами” клубидаги фаолиятини вақтинча тўхтатишга қарор қилди. Бу ҳақда “DobleAmarilla” хабар берди.

Манбага кўра, аргентиналик футболчи ҳозирча ўз ватанида қолади ва унинг АҚШга қачон қайтиши номаълум. 

Хорхе Мессининг вафоти футболчини қаттиқ қайғуга солган. Шу сабабли Месси “Интер Майами”даги фаолиятини вақтинча тўхтатиб, кейинги хабарга қадар АҚШга қайтмасликка қарор қилган. Отасининг вафоти ҳақидаги хабарни олгач, футболчи АҚШдаги фаолиятини тўхтатиб, оиласи билан бирга бўлиш учун Аргентинага йўл олган.

Эслатиб ўтамиз, аввалроқ Хорхе Месси Росариодаги клиникада 68 ёшида вафот этгани ҳақида хабар берилган эди. У узоқ вақт давомида касаллик билан курашиб келган, аммо унинг аниқ ташхиси очиқланмаган.

Лионель Месси отаси билан мунтазам равишда телефон орқали мулоқот қилиб, унинг соғлиғи билан қизиқиб турган. Маълумотларга кўра, айрим пайтларда Хорхе Мессининг аҳволи яхшиланаётгандек кўринган бўлса-да, касаллик жиддийлигича қолган.