Фарғонадаги “роддом”да фожиа: ҳамширалар пичоқланди. Қурбон бор

Фарғона вилоятининг Қўштепа туманидаги туғуруқхонада катта ҳамшира бошқа ҳамшираларни пичоқлади. Оқибатда 2 киши жароҳатланди, 1 киши вафот этди. Бу ҳақда QALAMPIR.UZ манбаси хабар берди.

Маълум бўлишича, ҳодиса, кеча, 7 сентябрь куни содир бўлган. Фожиа сабаби ҳозирча маълум эмас. QALAMPIR.UZ ҳолатга аниқлик киритиш мақсадида Бош прокуратура матбуот котиби Ҳаёт Шамсутдинов билан боғланди. 

Унинг билдиришича, ҳодиса оқибатида 2 киши жабрланган, 1 нафари вафот этган. Мазкур ҳолат юзасидан Қўштепа туман прокуратураси томонидан Жиноят кодексининг 97-моддаси (қасддан одам ўлдириш) билан жиноят иши қўзғатилган. Гумонланувчи шахса (аёл) Жиноят-процессуал кодексининг 221-моддаси тартибида ушланган.

Эслатиб ўтамиз, аввалроқ Жиззах вилояти Зарбдор туман суди 77 ёшли такси ҳайдовчисини ўлдириб, унинг пули, телефони ва автомашинасини эгаллаган шахсга нисбатан 20 йилга озодликдан маҳрум қилганди.