Лукаку Роналдонинг рекордини янгилади

Кеча, 3 январь куни “Интер” хужумчиси Ромелу Лукаку А Сериянинг 15-туридан ўрин олган “Кротоне”га қарши баҳсда гол киритди. Натижада бельгиялик форвард бразилиялик Роналдонинг рекордини янгилади. Бу ҳақда “Squawka” нашри ёзмоқда.

Маълум қилинишича, 27 ёшли Лукакунинг кечаги голи “нерадзурри” сафида барча турнирлар доирасида киритган 50-голи бўлган. Бу натижа учун Ромелуга 70 та ўйин етарли бўлди ва шу орқали у клуб тарихида 50 та гол учун энг кам ўйин сарфлаган ўйинчига айланиб, 77 та ўйин сарфлаган Роналдонинг рекордини янгилаган.

Romelu Lukaku has scored 50 goals across all competitions in Italian football for Inter in just 70 games; the fastest player to ever reach that feat in the club's history.⁣
⁣
He's surpassed Ronaldo's record of 77 games. 🤯 pic.twitter.com/ED425vmfCM

— Squawka Football (@Squawka) January 3, 2021

Маълумот ўрнида, Ромелу Лукаку 2019 йилнинг ёзги трансферлари вақтида 80 миллион евро эвазига Англиянинг “Манчестер Юнайтед” клубидан Италиянинг “Интер” клубига ўтган эди. Бельгияликнинг Милан шаҳри жамоаси билан шартномаси 2024 йилга қадар амал қилади.