Лукаку Бельгия терма жамоасидаги фаолиятини якунлади

Sport

−

image

Туркиянинг “Фенербахче” клуби ҳужумчиси Ромелу Лукаку Бельгия миллий терма жамоасидаги фаолиятини якунлади. Бу ҳақда футболчи ўзининг Instagram саҳифасида маълум қилди.

“Мен 16 йил давомида терма жамоа учун бор кучимни сарфладим. Тасаввур қилиш мумкин бўлган барча ҳис-туйғуларни бошдан кечирдим. Ажойиб жамоадошларим билан бирга ўйнадим ва улардан доимо миннатдор бўламан. Барчаларига раҳмат айтмоқчиман. Шунингдек, мени қўллаб-қувватлаган ва менга ишонган барча мураббийларга ҳам миннатдорлик билдираман. Бу ажойиб давр бўлди ва мен ҳар бир лаҳзадан завқ олдим”, деб ёзди Лукаку.

Жорий йилнинг 5 октябрь куни Франция терма жамоасига қарши ўтказилган учрашув Лукаку учун миллий жамоа сафидаги сўнгги ўйин бўлди. Ноябрь ойидаги халқаро танаффус даврида эса футболчи Туркия ва Италияга қарши баҳсларда захира ўриндиғида қолдирилди.

“Терма жамоани қўллаб-қувватлаган бельгиялик мухлисларга ҳам раҳмат. Мамлакатим шарафини тўртта Жаҳон чемпионати ва учта Европа чемпионатида ҳимоя қилганимдан фахрланаман. Бу лаҳзаларни ҳеч қачон унутмайман. Фаолиятимни якунлаш ҳақидаги қароримдан мамнунман. Бу ажойиб давр эди”, дея қўшимча қилди футболчи.

Маълумот учун, 33 ёшли Лукаку Бельгия терма жамоасидаги дебютини 2010 йилда ўтказган. У миллий жамоа сафида 135 дан ортиқ учрашувда майдонга тушиб, 94 та гол урган ва терма жамоа тарихидаги энг яхши тўпурарга айланган.

Шунингдек, Лукаку Бельгия терма жамоаси билан 2018 йилда Россияда ўтказилган Жаҳон чемпионатида бронза медалини қўлга киритган.

Эслатиб ўтамиз, аввалроқ Роналду ҳам Португалия миллий терма жамоасидаги фаолиятини якунлашини эълон қилган эди.


Rate Count

0

Rating

3

Rate this article

Share with your friends