Лапорта Ямаль учун 250 млн евролик таклифни рад этди

Sport

−

24 February visibility4424 timer1 minute

Испаниянинг “Барселона” жамоаси президенти Жоан Лапорта “Пари Сен-Жермен”нинг Ламин Ямални 250 миллион евро эвазига сотиб олиш бўйича таклифини рад этганини тасдиқлади. Бу ҳақда Фабрицио Романо хабар берди.

“ПСЖ икки йил олдин Ламин Ямаль учун бизга 250 миллион евро таклиф қилган. Биз ушбу таклифни рад этдик. У 17 ёшда эди баъзилар бизни ақлдан озган деб ўйлашди”, дея Лапортанинг сўзларини келтиради Романо.

Маълумот учун, Ламин Ямаль 2023 йил апрель ойидан бери “Барселона”нинг катталар жамоасида ўйнаб келади. Испаниялик футболчи 15 ёш 290 кунлигида дебют қилган. Жорий мавсумда ҳужумчи барча мусобақаларда 33 та ўйинда майдонга тушиб, 15 та гол ва 14 та голли узатмани амалга оширди.

Author