Коронавирус билан боғлиқ ҳолат жуда мураккаблашади - ЖССТ раҳбари
World
−
24 October 2020 14911 1 minute
Коронавирус тарқалиши билан боғлиқ дунёдаги вазият яқин ойлар ичида жуда мураккаблашади. Бу ҳақда Жаҳон соғлиқни сақлаш ташкилоти раҳбари Тедрос Адханом Гебрейесус маълум қилган.
"Биз пандемиянинг жуда муҳим чорраҳасида турибмиз, айниқса, шимолий яримшарда. Кейинги бир неча ой жуда оғир бўлади, баъзи мамлакатлар хавфли траекторияда турибди", дея огоҳлантирган Гебрейесус.
Унинг айтишича, кўплаб давлатларда касалланиш ҳолатларининг кескин ошиши кузатилган. Бу эса яқин вақт ичида соғлиқни сақлаш тизимидаги ресурсларнинг тугаб қолиш хавфини юзага келтиради.
ЖССТ раҳбари дунё мамлакатлари раҳбарларини шошилинч чоралар кўришга ва ўлим даражаси, касалланиш тезлиги ошишининг олдини олишга чақирган. У шунингдек, мактабларни ёпиш ҳақида ҳам алоҳида таъкидлаган.
Маълумот учун, дунёда коронавирусга чалинганлар сони 42 миллион 489 минг 901 тани ташкил этиб турибди. 1 миллион 149 минг 229 киши вафот этган. 31 миллион 427 минг 9 нафар бемор эса соғайиб кетган.
Live
AllMisrda yo'lovchi poezdi rel'sdan chiqib ketdi
08 November
Albaniyada ommaviy namoyishlar davom etmoqda
08 November
Erdo'g'an rafiqasi bilan Ozarbayjonga bordi
08 November
Yaponiyada 5,7 magnitudali zilzila sodir bo'ldi
08 November
