Кевин Де Брюйне “Наполи”ни тарк этиши мумкин

Кевин Де Брюйне “Наполи” билан шартномаси 2027 йилнинг ёзига қадар амал қилишига қарамай, жамоадаги келишмовчиликлар сабабли қишки трансфер ойнасида клубни тарк этиши мумкин. Бу ҳақда “Il Mattino” нашри хабар берди.

Қайд этилишича, Де Брюйне жамоа кийиниш хонасидаги муҳитнинг ёмонлашишига ҳам ҳисса қўшмоқда. Жорий йилнинг 5 ноябрь куни Чемпионлар лигаси доирасида “Порту”га қарши сафардаги 4:1 ҳисобидаги мағлубиятдан сўнг белгиялик футболчи ва унинг жамоадоши Лоренцо Лукка ўртасида оғзаки келишмовчилик юзага келган. Италия ОАВлари хабар беришича, Де Брюйне Расмус Хойлунд ва жамоа сардори Жованни Ди Лоренцо билан ҳам келишмовчиликка борган.

“Наполи” раҳбарияти белгиялик футболчининг кетишидан маош харажатларини камайтириш учун фойдаланиши мумкин. Чунки Де Брюйне А Сериянинг энг кўп маош олувчи футболчиларидан бири ҳисобланади. “Capology” маълумотларига кўра, футболчининг йиллик маоши бонуслар билан бирга солиқлар билан бирга 13,89 миллион еврони ташкил этади.

Маълумот учун, Де Брюйне 2025 йилнинг ёзида “Манчестер Сити”ни эркин агент сифатида тарк этгач, “Наполи” сафига қўшилган эди. Белгиялик футболчи жорий мавсумда эса 15 та ўйинда қатнашиб, 4 та гол ва 2 та голли узатма қайд этди. “Transfermarkt” портали футболчининг трансфер қийматини 8 миллион евро деб баҳоламоқда.

“Наполи” А Сериянинг 11-туридан кейин турнир жадвалида 10-ўринда бормоқда. Чемпионлар лигасида эса жамоа мумкин бўлган 12 очкодан фақат 3 тасини қўлга киритиб, 27-ўринни эгаллаб турибди.