Қораўзакда туғилган уч эгизак ўғилга исм танлашда “анъана”дан воз кечилди. Энди Сobalt нима бўлади?

Local

−

09 July 2019 visibility11879 timer1 minute

Қорақалпоғистон Республикасининг Қораўзак туманида 7 июль куни учта эгизак фарзанд дунёга келди. Маълум қилинишича, ҳозирда уч эгизак ва уларнинг онасининг ҳолати жуда яхши.

Хабарингиз бор, кейинги пайтларда учта туғилган эгизакларга Шавкат, Миромон, Мирзиё исмларини қўйиш ва уларнинг ота-онасига Сobalt автомобилининг берилиши урфга айланиб бораётган эди. Аммо, Қораўзакда туғилган эгизакларнинг ота-онаси Руслан Базарбаев ва Гулсара Есенбаевалар болаларга яхши ниятлар билан Ҳабибулла, Ҳамидулла ва Халилулла деб исм қўйган.

Маълумот учун, фарзандларнинг отаси Руслан “Yoshlar – kelajagimiz” жамғармаси томонидан тадбиркорликни бошлаши учун берилган имтиёзли кредит маблағлари ҳисобидан хусусий тадбиркорлигини юритиб келаётган бўлса, эгизаклар онаси Гулсара турмуш ўртоғини қўллаб-қувватлаб келмоқда. Уларнинг биринчи фарзанди Алпамис ҳозирда беш ёшда.

Author