ID-карта олишда пенсионерларга имтиёз борми?
Local
−
12 January 2021 15856 1 minute
Жорий йилнинг 4 январидан Ўзбекистонда ID-карталарни расмийлаштириш бошланди. Жараён бошланиши билан аҳолида кўплаб саволлар ҳам юзага келди. Бунга мисол тариқасида ID-карта олишда пенсионерларга имтиёзлар борми деган масалани кўрсатиш мумкин.
ID-карта ва хорижга чиқиш биометрик паспортини расмийлаштириш ва олиш тартибига бағишланган матбуот анжуманида ИИВ масъули шу саволга жавоб берди.
Унинг сўзларига кўра, ID-карта олишда пенсионерларга имтиёз берилиши кўзда тутилмаган.
Аммо биометрик паспорти бор фуқаролар ID-карта олиши мажбурий эмас. Улар “яшил” паспортидан ҳужжатда кўрсатилган муддат давомида фойдаланиши мумкин.
Қайд этилишича, ҳаракатланиш имконияти чекланган фуқароларнинг уйига бориб, бепул хизмат кўрсатиш кўзда тутилган.
Live
All
