Француз велосипедчиси Россияда ҳибсга олинди

Франциялик велосипедчи сайёҳ Софиан Сехили ноқонуний давлат чегарасини кесиб ўтганликда айбланиб, Россиянинг Владивосток шаҳрида ҳибсга олинди. Бу ҳақда “Le Monde” хабар берди.

Нашрнинг ёзишича, сайёҳ Евроосиёни велосипедда босиб ўтиш бўйича жаҳон рекордини янгилашга ҳаракат қилаётган бўлган. У саёҳатни жорий йилнинг июль ойи бошида Португалиянинг Лиссабон шаҳридан бошлаган ва Владивостокда уни якунламоқчи бўлган. Бироқ 2 сентябрь куни Хитой–Россия чегарасида божхоначилар уни тўхтатиб қолган.

Нашрга кўра, бу воқеа спортчи Россия ҳудудига киришга икки марта уринганидан кейин содир бўлган. У ҳар сафар 200 километр узоқликдаги турли нуқталарда чегарадан ўтишга ҳаракат қилган.

Софиан Сехили 1981 йилда туғилган. 44 ёшида у ҳужжатли фильмлар режиссёри сифатидаги фаолиятини ташлаб, велоспорт билан шуғулланишни бошлаган. Шундан бери у тахминан 20 та йирик мусобақада қатнашиб, 11 тасида ғолиб чиққан.