Фарғонада ўғри уни сезиб қолган аёлни болаларининг кўз олдида ўлдирди

Crime

−

14 February 2025 visibility16020 timer1 minute

Фарғона шаҳрида интернет ўйинларида қарз бўлиб, ўғриликка тушган ва қотиллик қилган 25 ёшли эркак қамалди. Бу ҳақда Олий суд матбуот хизмати хабар қилди.

Қайд этилишича, 1999 йилда туғилган эркак интернетдаги ўйин учун қарз олиб, уни вақтида қайтара олмаган ва уйи атрофидаги хонадонга ўғирликка тушган. Ўғирлик пайтида уч нафар вояга етмаган фарзандлари билан ухлаётган аёл уйғониб кетган ва эркак ўзи билан олиб келган ўткир тиғли жисм билан аёлни ўлдирган.

Билдирилишича, эркак Жиноят кодексининг 97-моддаси (Қасддан одам ўлдириш) 2-қисми “ж” банди ва 164-моддаси (Босқинчилик) 3-қисми “а” бандида назарда тутилган жиноятларни содир этганликда айбли деб топилиб, 17 йил муддатга озодликдан маҳрум қилиш жазоси тайинланган.

Эслатиб ўтамиз, аввалроқ Андижон вилояти Олтинкўл туманида яшовчи фуқаро ўз турмуш ўртоғини ўлдиргани хабар қилинганди.

Author