Эрон мундиалда қатнашишдан воз кечди

Эрон Спорт вазири Аҳмад Донямали мамлакат терма жамоаси шу ёзда 2026 йилги Жаҳон чемпионатида иштирок эта олмаслигини маълум қилди. Бу ҳақда вазир ТВ2 телеканалига берган интервьюсида айтиб ўтди.

“Коррупцияга ботган ҳукумат етакчимизга суиқасд уюштирганидан сўнг биз учун Жаҳон чемпионатида иштирок этиш масаласи кун тартибидан чиқди. Эронга қарши амалга оширилган шафқатсиз ҳаракатларни – саккиз-тўққиз ой ичида биз мажбуран иккита урушга тортилганимизни, бунинг оқибатида минглаб ватандошларимиз ҳалок бўлганини ҳисобга олсак, бундай шароитда (Жаҳон чемпионатида) қатнашиш имконияти йўқ”, дейди Аҳмад Донямали.

Бироқ шунга қарамай ҳали Эрон футбол федерацияси буни расман тасдиқламаган. Ҳозирча FIFA ҳам ҳолат юзасидан расмий муносабат билдирмаган.

Эслатиб ўтамиз, аввалроқ Эрон футбол федерацияси президенти Меҳди Тож Эрон терма жамоаси 2026 йилги футбол бўйича Жаҳон чемпионатида иштирок этмаслиги мумкинлигини маълум қилганди.