“Челси” ўз майдонида “тақачилар”ни аямади

Sport

−

06 January 2022 visibility4274 timer1 minute

Бугун, 6 январь куни Англия лига кубоги 1/2 финали илк учрашуви доирасида “Челси” “Тоттенхэм”ни қабул қилиб, 2:0 ҳисобида ғалаба қозонди. Ўйин Лондондаги “Стемфорд Бриж” стадионида бўлиб ўтди.

Биринчи бўлимнинг 5-дақиқасидаёқ ҳисоб очилди. Ярим ҳимоячи Кай Ҳаверц Маркос Алонсонинг узатмасидан сўнг, гол урди. 34-дақиқада “тақачилар” ҳимоячиси Бен Девис жарима зарбасидан ўзатилган тўпни ўз дарвозасига йўллаб қўйди.

Эслатиб ўтамиз, “Челси” ва “Тоттенхэм” ўртасидаги Лига кубоги ярим финалининг иккинчи ўйини 12 январь куни Лондондаги “Тоттенхэм Хотспур” стадионида бўлиб ўтади. Турнирнинг амалдаги ғолиби эса “Манчестер Сити” ҳисобланади.

Маълумот учун, ушбу баҳсда тўлиқ ҳаракат қилган “аристократлар” ҳужумчиси Ромелу Лукаку бир неча кун олдин берган баҳсли интервьюси учун 600 минг евро миқдорида жаримага тортилган эди.

Author