“Челси” футболчиси “права”сиз машина ҳайдагани учун жазоланди

Лондоннинг “Челси” жамоасининг украиналик вингери Михаил Мудрик лицензиясиз машина бошқаргани учун бир йилга машинани бошқариш ҳуқуқидан маҳрум қилинди. Бу ҳақда “Daily Mail” нашри хабар берди.

Манбага кўра, украиналик футболчини Лондонда машина ойналари ҳаддан ташқари қорайтирилгани учун полициячилар тўхтатиб қолишган. Текширув натижасида унинг ҳайдовчилик гувоҳномаси йўқлиги маълум бўлган. Шунингдек, Мудрикнинг BMW М8 учун суғуртаси йўқлиги маълум бўлган. Бу эса Буюк Британия қонунларига зид ҳисобланади.

Мудрик иши Uxbridge Magistrates судида кўриб чиқилган. У автомашинани лицензиясиз бошқаргани ва суғуртасиз транспорт воситасидан фойдаланганини тан олган.

Натижада украиналик футболчи бир йилга машинани бошқариш ҳуқуқидан маҳрум қилинишдан ташқари, 60 соатлик мажбурий жамоат ишларига ҳукм қилинган ва қўшимчасига 199 фунт стерлинг миқдорида жаримага жазоси тайинланган.

Эслатиб ўтамиз, аввалроқ “Челси” клуби яна бир футболчиси Уэсли Фофана Англия йўлларида 9-марта ҳайдовчилик қоидаларини бузгани учун 300 соатлик жамоат хизматига ҳукм қилинган эди.