“Бу даҳшатли туш эди”. Моуриньо Мессига қарши курашни эслади

“Реал Мадрид”га қайтган португалиялик мутахассис Жозе Моуриньо Лионель Мессига қарши курашни эслар экан, аргентиналик юлдузни тўхтатиш жуда қийин бўлганини тан олди. Бу ҳақда Netflix платформасида намойиш этилган Моуриньо ҳақидаги ҳужжатли фильмда сўз боради.

“Бу даҳшатли туш эди. Мессини тўхтатиш учун нима қила оламиз? деб ўзимдан қайта-қайта сўрардим”,  дейди Моуриньо.

Португалиялик мутахассис “Барселона”ни мағлуб этиш учун “Реал Мадрид” услубини ўзгартириш зарур бўлганини таъкидлади.

“Биринчи ўйинданоқ шуни англадимки, агар биз доим бир хил услубда ўйнасак, бу бизни ҳеч қаерга олиб бормайди. Уларни мағлуб этиш учун майдонда ҳам, ундан ташқарида ҳам бошқача бўлишимиз керак эди. Биз ҳақиқий рақиблар эдик. Бир хил совринлар, бир хил лига чемпионлиги ва бир хил Чемпионлар лигаси учун курашардик. Охир-оқибат, менимча, бу рақобат барчага ёрдам берди”,  дейди Моуриньо.

Маълумот учун, Моуриньо 2010-2013 йилларда “Реал Мадрид”ни бошқарган ва бу даврда Гвардиола бошчилигидаги “Барселона” билан жуда кескин рақобат қилган.