“Арсенал” Винисиусни сотиб олишга ишонади – ОАВ

Лондоннинг “Арсенал” клуби кийиниш хонасида (клубнинг ички муҳитида) жамоанинг “Реал Мадрид” вингери Винисиус Жуниор билан шартнома имзолаши мумкинлигига ишончи юқори. Бу ҳақда AS нашри хабар берди.

Манбага кўра, “Арсенал” спорт директори Андреа Берта жамоадаги кўплаб инсонларга, жумладан, футболчиларга ҳам эҳтимолий трансфернинг амалга ошишига ишонаётганини билдирган. Бош мураббий Микел Артета эса Винисиусга ўз лойиҳасида унга қандай ўрин ажратишини тушунтирган. Айтилишича, агар бразилиялик футболчи “Реал Мадрид”ни тарк этишга қарор қилса, “Арсенал”ни муносиб вариантлардан бири деб ҳисоблайди. Мадрид клуби ҳам лондонликларнинг Винисиусга бўлган жиддий қизиқишидан хабардор.

Қайд этилишича, “Реал Мадрид” раҳбарияти Винисиус билан шартномани фақат ўз шартлари асосида узайтиришга тайёр. Клуб футболчига ҳеч бир ўйинчи жамоа манфаатларидан устун тура олмаслиги ҳақида аниқ позициясини билдирган.

Эслатиб ўтамиз, аввалроқ “Реал Мадрид” Винисиусга “унинг жамоа ва лойиҳа учун аҳамиятини акс эттирувчи” яхшиланган шартнома таклиф қилгани ҳақида хабарлар тарқалган эди.