Андижондаги портлаш қурбони чет эл фуқароси бўлиб чиқди

Crime

−

14 February 2022 visibility13766 timer1 minute

Андижон вилоятининг Шаҳрихон туманидаги хусусий клиникада юз берган портлаш оқибатида ҳалок бўлган шахс Қирғизистон фуқароси бўлган. Бу ҳақда қўшни давлат Ташқи ишлар вазирлиги маълум қилди.

ТИВ хабарига кўра, марҳум 1966 йилда туғилган Р.Н. бўлган. Қирғизистон Республикаси фуқаросининг жасади яқин қариндошлари томонидан Қирғизистонга етказилган.

Эслатиб ўтамиз, 11 февраль куни Андижон вилояти Шаҳрихон туманидаги тиббий марказида портлаш юз берганди. ФВВ портлаш оқибатида 1 киши ҳалок бўлгани, 11 киши жароҳатланганини маълум қилган.

Бош прокуратура ахборотига кўра, ҳодиса юзасидан Жиноят кодексининг 257-моддаси (Меҳнатни муҳофаза қилиш қоидаларини бузиш) билан жиноят иши қўзғатилган.

Author

Андижондаги портлаш қурбони чет эл фуқароси бўлиб чиқди

Sunnatilla Abdullaev