АҚШ Исроил ва Фаластин ўртасида тинчликни таъминлашга ваъда берди

Қўшма Штатлар Исроил ва Фаластин ўртасида Яқин Шарқдаги можарони икки давлат тамойили асосида ҳал этиш асосида мустаҳкам тинчлик ўрнатиш йўлида ҳаракат қилиш тарафдори. Америка Қўшма Штатлари Президенти Жо Байден Қуддусда Исроил Бош вазири Яир Лапид билан қўшма матбуот анжуманида гапирган. 

“Шунингдек, биз Исроил давлати ва Фаластин халқи ўртасидаги музокаралар йўли билан мустаҳкам тинчликни таъминлаш учун ҳаракат қилишда давом этамиз”, дейди Америка раҳбари. 

Унинг нуқтаи назари бўйича, Исроил мустақил демократик яҳудий давлати бўлиб қолиши керак, бу нафақат Исроилда, балки бутун дунёда яҳудий халқи учун якуний кафолат ва ваъда.  

“Мен бунга бутун қалбим билан ишонаман. Бунга эришишнинг энг яхши йўли эса икки халқ учун икки давлат ечими бўлиб қолади. Уларнинг иккаласи ҳам ер юзида чуқур ва қадимий илдизларга эга. Айтмоқчиманки: [улар узоқ] тинчлик ва хавфсизликда яшайдилар”, дейди Президент. 

Байден кеча, 13 июль куни Исроилга ташриф буюрди ва президентликка келганидан кейин биринчи Яқин Шарқ бўйлаб сафарини бошлади. 13-16 июль кунлари у Исроил, Иордан дарёсининг Ғарбий Соҳили ва Саудия Арабистонига ташриф буюради. Аэропортда Байденни расмий кутиб олиш маросимида Исроил Бош вазири Яир Лапид Байден билан Яқин Шарқда “янги хавфсизлик архитектурасини яратиш”, шунингдек, “кучли глобал коалицияни янгилаш зарурлигини” муҳокама қилиш ниятида эканини айтди. Бу Эрон ядровий дастурини тўхтатади.