Ҳоланднинг “Манчестер Юнайтед”га қарши ўйинда урган голи хато деб топилди

Англия Премьер-лигаси ўйинларида ҳакамликни назорат қилиш учун масъул бўлган Pro Ref ташкилоти норвегиялик “Манчестер Сити” ҳужумчиси Эрлинг Ҳоланднинг “Манчестер Юнайтед”га қарши ўйинда урган голи нотўғри ҳисобланганини тан олди. Бу ҳақда Pro Ref баёнотига таяниб, журналист Бен Жейкобс ўзининг X саҳифасида  хабар берди.

Ташкилот маълум қилишича, видеотакрор (VAR) ҳакамлари гол урилган эпизодда офсайд ҳолатида бўлган “Манчестер Сити”нинг аргентиналик ярим ҳимоячиси Энцо Фернандеснинг роли ва позициясини нотўғри баҳолаган. Шу сабабли VAR асосий ҳакамга эпизодни қайта кўриб чиқишни тавсия қилиши керак эди.

“Биз бугун кечқурун хатони тан олиш учун “Манчестер Юнайтед” билан боғландик. Ҳодиса юзасидан тергов олиб борилади”,  дейилади баёнотда.

Учрашув кеча, 13 сентябрь куни бўлиб ўтди. Унда 23-дақиқадан бошлаб бир киши кам бўлиб қолишига қарамай “Манчестер Сити” ғалаба ғалаба қозонди. Ўйиндаги ягона голни Ҳоланд урди.