Zidan “Qizil iblislar”ni boshqarmoqchi emas

“Real Madrid” sobiq bosh murabbiyi Zinedin Zidan “Manchester Yunayted”ni boshqarishdan bosh tortdi. Bu haqda “AS” nashri xabar berdi.

Ma’lum qilinishicha, “Qizil iblislar” rahbariyati 49 yoshli mutaxassisni murabbiylik lavozimiga ko‘ndirmoqchi, biroq Zidan mankunianliklarning taklifini qabul qilmoqchi emas.

Zizu Manchester shahrida ishlashga qiziqmayapti, chunki u bir kun kelib Fransiya terma jamoasiga bosh murabbiy bo‘lishni niyat qilgan. Ayni damda “uch ranglilar”ning asosiy jamoasini Dide Desham boshqarmoqda va uning shartnomasi Qatarda bo‘lib o‘tadigan JCH-2022 tugagach, yakuniga yetadi.

Eslatib o‘tamiz, Ole Gunnar Sulsher bosh murabbiyligidagi “Manchester Yunayted” 17 ochko jamg‘arib, Angliya Premer ligasi turnir jadvalida oltinchi o‘rinni egallab turibdi.

Ma’lumott uchun, mankunianliklarning asosiy hujumchisi Krishtianu Ronaldu allaqachon Zidanning bosh murabbiy etib tayinlanishini maqullagan.