Jizzaxda maktab o‘quvchisi YTH sodir etdi
3-sahifa
−
18 Oktabr 2021 6396
Joriy yilning 14 oktyabr kuni Jizzaxda 10-sinf o‘quvchisi Nexia 2 rusumli transport vositasida boshqa avtomobil bilan to‘qnashib, yo‘l transport hodisasi sodir etgan. Bu haqda viloyat Ichki ishlar boshqarmasi Yo‘l harakati xavfsizligi boshqarmasi xabar berdi.
Qayd etilishicha, soat 00:25 atrofida 2005 yilda tug‘ilgan Jizzax shahrining 26-maktabi o‘quvchisi Nexia 2 rusumli avtomobilni boshqarib ketayotib, o‘ziga nisbatan qarama-qarshi yo‘lda harakatlanib kelayotgan avtomashinaga urilgan.
YTH oqibatida Nexia 2 haydovchisi olgan tan jarohatlari bilan Respublika shoshilinch tibbiy yordam ilmiy markazi Jizzax viloyati filialiga yotqizilgan.
Eslatib o‘tamiz, joriy yilning may oyida Xorazm viloyatining Urganch tumanida 10-sinf o‘quvchisi sodir etgan YTHda 3 kishi halok bo‘lgandi.
Live
Barchasi