Jizzaxda qor yog‘di (video)
Bu qiziq
−
04 aprel 2023 17179
O‘zbekistonning Jizzax viloyatida qor yog‘di. Bu haqda kecha, 3 aprel kuni O‘zgidromet yetakchi mutaxassisi, iqlimshunos olim Erkin Abdulaxatov ma’lum qildi.
“Bugun Jizzax viloyati Zomin tumanidagi “Duoba” qishloq fuqarolar yig‘ini hududida, dengiz sathidan 2 kilometr balandlikda havo harorati nolga yaqinlashdi, yomg‘ir qorga aylandi”, deb yozadi mutaxassis.
Eslatib o‘tamiz, 5 apreldan 7 aprelgacha O‘zbekistonning aksariyat viloyatlarida kuchli yomg‘ir yog‘ishi, tog‘oldi va tog‘li hududlarda sel-suv toshqini bo‘lishi haqida ma’lum qilingandi. Kunduzgi havo harorati – hafta davomida 15-18 darajadan 20-23 darajagacha iliq bo‘ladi. Shamol 15-20 m/s tezlikda esadi, ba’zi joylarda chang-to‘zon kuzatilishi va do‘l yog‘ishi mumkin.
