Jizzaxda bolakay kir mashinaning ichiga qisilib qoldi
3-sahifa
−
07 yanvar 6234
Kecha, 6 yanvar kuni Jizzax viloyatining Jizzax shahrida kir mashina ichida qisilib qolgan bola qutqarildi. Bu haqda Favqulodda vaziyatlar vazirligi xabar berdi.
Qayd etilishicha, soat 18:40 da Jizzax shahrining Ittifoq mahallasidagi ko‘p qavatli uylarning birida bolakay ehtiyotsizlik oqibatida kir mashinaning quritish qismida qisilib qolgani haqida FVBga xabar kelib tushgan.
FVB qutqaruvchilari aytilgan manzilga yetib borib, qutqaruv anjomlari yordamida bolakay sog‘-salomat chiqarib olinib, ota-onasiga topshirilgan. Hozirda uning ahvoli yaxshi.
Eslatib o‘tamiz, avvalroq Toshkent viloyatining Toshkent tumanida suv krani uchun o‘rnatilgan kichik o‘raga tushib qolgan 5 yoshli bola qutqarilgandi.
