Janubiy Koreya yangi raketasini sinovdan o‘tkazdi

Janubiy Koreya hozirda ishlab chiqilayotgan o‘zining uzoq masofali havo-yer boshqariladigan raketasini muvaffaqiyatli sinovdan o‘tkazdi. Bu haqda Mudofaa sotib olish agentligi (DAPA) rasmiylariga tayanib, “Yonhap” axborot agentligi xabar berdi.

Rasmiylarning so‘zlariga ko‘ra, sinovlardan ko‘zlangan asosiy maqsad raketaning funksionalligini buzmagan holda samolyotdan xavfsiz tarzda ajratish qobiliyatini tekshirish edi. Sinovlar muvaffaqiyatli deb topildi.

DAPA vakillarining qayd etishicha, uchirish 2018 yilda boshlangan uzoq masofali raketalarni yaratish dasturining muhim bosqichi bo‘ldi. Raketani yuqori aniqlikdagi zarbalar uchun KF-21 ko‘p maqsadli qiruvchi samolyotlari arsenaliga birlashtirish rejalashtirilgan.

“Raketa 2027 yilga mo‘ljallangan KF-21 bilan to‘liq miqyosdagi integratsiya sinovidan oldin yengil hujumchi FA-50 samolyoti yordamida qo‘shimcha sinovdan o‘tadi”, dedi rasmiylar.