Zelenskiy tarixan ukrainlar yashagan Rossiya hududlari haqidagi farmonni imzoladi
Olam
−
22 yanvar
24693Ukraina Prezidenti Vladimir Zelenskiy “Rossiya Federatsiyasining tarixan ukrainlar yashagan hududlari to‘g‘risida”gi farmonni imzoladi. Bu haqda Zelenskiy bugun, 22 yanvarda nishonlanadigan Birlik kuni munosabati bilan jonli efirdagi chiqishida ma’lum qildi.
“Bugun biz nafaqat Ukraina va xalqimiz birligini mustahkamlash uchun qadam tashlashimiz kerak, balki huquq va erkinliklar birligi, ukrainaliklar haqidagi – biz haqimizdagi va tariximiz haqidagi haqiqat uchun ham kurashishimiz kerak. Shu maqsadda bugun men “Rossiya Federatsiyasining tarixan ukrainlar yashagan hududlari to‘g‘risida”gi farmonni imzoladim. Bu Ukraina kelajagi uchun tarixiy o‘tmish haqidagi haqiqatni tiklashdir”, deydi Zelenskiy.
Shuningdek, Ukraina rahbari Oliy Radaga ko‘p fuqarolik to‘g‘risidagi qonun loyihasini kiritganini ma’lum qildi. Hujjatga ko‘ra, Rossiyadan tashqari boshqa mamlakatlardan kelgan etnik ukrainlar ham respublika pasportini olishlari mumkin bo‘ladi.
“Bugun men Ukraina Oliy Radasiga qonunchilikka keng qamrovli o‘zgartirishlar kiritish va ko‘p fuqarolik institutini joriy etish imkonini beruvchi asosiy qonun loyihasini kirityapman. Bu esa dunyoning turli mamlakatlaridagi barcha etnik ukrainlar va ularning avlodlariga bizning fuqarolikka ega bo‘lish imkonini beradi. Albatta, tajovuzkor mamlakat fuqarolaridan tashqari”, deydi u.
Uning so‘zlariga ko‘ra, turli xil emigratsiya to‘lqinlari davrida o‘z vatanini tark etishga majbur bo‘lgan har bir kishi Yevropa, AQSH, Kanada, Osiyo mamlakatlari va Lotin Amerikasida topiladi.
LiveBarchasi