Yevropada mavsum ramziy jamoasi e’lon qilindi. Ronaldu unda yo‘q

Angliyaning mashhur "Goal.com" nashri o‘z talqiniga ko‘ra 2020-2021 yilgi mavsumidagi Yevropaning ramziy jamoasini e’lon qildi.

Darvozabon: Yan Oblak. “Atletiko Madrid” safida La Liga chempionligi hamda “Oltin qo‘lqop”i sohibi. U ligadagi 38 o‘yinning barchasida maydonga tushgan. O‘tkazilgan gollar soni 25 ta, quruq o‘yinlar 18 ta. Jami 103 ta seyv amalga oshirgan, 2 ta penalti qaytargan.

Chap qanot himoyachisi: Robin Gosens. “Atalanta” safida A Seriya bronza medallari sohibi. 7 ta golli uzatma amalga oshirgan.

Markaziy himoyachi: Ruben Diash. “Manchester Siti” safida APL hamda Angliya Liga kubogi g‘olibi, APLda “Yilning eng yaxshi o‘yinchisi”. 32 ta o‘yindan 15 tasini quruq o‘tkazgan hamda 1 ta gol urgan.

Markaziy himoyachi: Sven Botman. “Lill” safida Fransiya chempioni. Mavsum davomida 20 ta quruq o‘yin o‘tkazgan.

Chap kanot himoyachisi: Ashraf Hakimi. “Inter” safida A Seriya chempioni. 17 ta quruq o‘yin o‘tkazgan, 7 gol hamda 10 assist amalga oshirgan.

Yarim himoyachi: Joshua Kimmix. “Bavariya” safida Bundesliga chempionligi hamda Germaniyada “Yilning eng yaxshi yarim himoyachisi” sovriniga ega chiqqan. 10 ta assist amalga oshirgan.

Yarim himoyachi: Ngolo Kante. “Chelsi” safida Yevropa Chempionlar Ligasi chempioni. YeCHLda “Yilning eng yaxshi o‘yinchisi”.

Chap qanot hujumchisi: Kilian Mbappe. PSJ safida Fransiya chempionati kumush medali sohibi, barcha musobaqalarda 47 o‘yinda 42 ta gol muallifi.

O‘ng qanot hujuchisi: Lionel Messi. “Barselona” safida Ispaniyada “Qirol Kubogi” hamda La Liga bronza medallari sohibi. Ispaniyada mavsum to‘purari. 30 ta gol hamda 9 ta assist amalga oshirgan.

Markaziy hujumchi: Robert Levandovski. “Bavariya” safida Bundesliga chempioni. 33 ta o‘yinda 41 ta gol (+7 ta golli uzatma) bilan Bundesliga to‘purari. Bir mavsumda ko‘p gol urish bo‘yicha Gerd Myullerning rekordini yangiladi.

Markaziy hujumchi: Romelu Lukaku. “Inter” safida A Seriya Chempioni. 24 ta gol hamda 11 ta assist amalga oshirgan.

Abdulla Mannonov