Yevropa Snapchat ustidan tergovni boshladi

Yevropa Komissiyasi Snapchat’ning bolalar xavfsizligini himoya qilish bo‘yicha tergov boshladi. Bu haqda “Euronews” xabar berdi.

Ma’lum bo‘lishicha, 26 mart kuni Yevropa Komissiyasi kattalar Snapchat’da yosh foydalanuvchilar qiyofasida bo‘lib, ularni noqonuniy faoliyatga yoki jinsiy ekspluatatsiya qilishga jalb qilishda gumon qilingan.

Shuningdek, komissiya Snapchat platformasi voyaga yetmaganlarni “grooming” aldab ishonchiga kirish orqali ekspluatatsiya qilish va jinoiy faoliyatga jalb qilish xavfiga duchor qilgan yoki qilmaganini aniqlash maqsadida tergov boshlagan. 

Ma’lumot uchun, Snapchat bu foydalanuvchilarga fotosuratlar va videolar ulashish uchun qulay ijtimoiy media platformasi hisoblanib, kompaniyaning so‘nggi shaffoflik hisobotiga ko‘ra, 2025 yilda taxminan 94,5 million yevropalik Snapchat akkauntiga ega bo‘lgan.

Komissiya kecha, 26 mart kuni platforma kattalarga yosh foydalanuvchilar qiyofasida o‘zini ko‘rsatishga, keyin esa bolalar bilan bog‘lanib, ularni noqonuniy faoliyatga jalb qilishga yoki jinsiy ekspluatatsiya qilishga ruxsat berishi mumkinligidan shubhalanayotganini aytgan.

“Noqonuniy mahsulotlarni parvarish qilish va ularga ta’sir qilishdan tortib, voyaga yetmaganlarning xavfsizligiga putur yetkazadigan akkaunt sozlamalarigacha, Snapchat Raqamli xizmatlar to‘g‘risidagi qonun barcha foydalanuvchilar uchun yuqori xavfsizlik standartlarini talab qilishini e’tiborsiz qoldirgan ko‘rinadi”, degan texnologiya suvereniteti, xavfsizligi va demokratiya bo‘yicha ijrochi vitse-prezident Xenna Virkkunen.

Eslatib o‘tamiz, avvalroq Meta platformasi bolalarning ruhiy salomatligiga ataylab zarar yetkazganligi va bolalarni jinsiy ekspluatatsiya qilish haqidagi ma’lumotlarni yashirgani aniqlangandan keyin 375 million dollar jarimaga tortilgandi.