Yevro-2024: Bugun Fransiya Niderlandiya bilan hisob-kitob qiladi

Bugun, 21 iyun kuni futbol bo‘yicha Yevropa chempionatining 2-tur o‘yinlari davom ettiriladi. Tur doirasida “D” guruhida 2 ta , “B” guruhida 1 ta o‘yin bo‘lib o‘tadi.

“E” kvartetida Slovakiya Ukraina bilan kuch sinashadi. 1-turdan keyin mazkur jamoalarda holat ikki xil. Ilk turda Slovakiya sensatsion tarzda Belgiyadan ustun kelgan bo‘lsa, Ukraina Ruminiyaga imkoniyatni boy bergandi.

“D” guruhida Polsha Avstriyaga qarshi maydonga tushsa, markaziy maqomi berilgan yana bir bahsda Fransiya Niderlandiya bilan bahs olib boradi. 1-turdan keyin bu guruhda aynan “uch ranglilar” va “uchar gollandlar” 3 ochko bilan peshqadamlik qilmoqda. Mazkur bahs katta ehtimol bilan guruh g‘olibini aniqlab beradi.

Ma’lumot uchun, Toshkent vaqti bilan Slovakiya-Ukraina uchrashuvi 18:00 da, Polsha-Avstriya o‘yini esa 21:00 da boshlanadi. Markaziy o‘yin Niderlandiya-Fransiya bahsiga 00:00 start hushtagi chalinadi.