Yelena Zelenskaya Parijga bordi

Ukraina Respublikasi Prezidentining rafiqasi Yelena Zelenskaya Fransiyaga bordi. U tashrifini birinchi xonim Brijit Makron bilan uchrashishdan boshladi. Bu haqda u Telegram’da ma’lum qildi. 

“Fransiyaning birinchi xonimi Brijit Makron men nafaqat maqqedoshim, balki do‘stim deb atash sharafiga muyassar bo‘lganlardan biri. Va, albatta, Ukrainaning ajoyib do‘sti: biz Rossiya hujumining dastlabki kunlarida Ukrainadan hayot karvonlari orqali onkologiya bilan og‘rigan ukrainalik bolalarni evakuatsiya qilganimizda, u bolalarni samolyotdan chiqishda kutib olgan edi. Uning jamg‘armasi Ukraina tibbiyotini tiklashga katta hissa qo‘shdi”, deydi Zelenskaya. 

U Fransiya Respublikasining birinchi xonimiga va butun mamlakatga Ukrainaning bosqinchiga qarshi kurashida ko‘rsatgan qo‘llab-quvvatlashi va yordami uchun minnatdorlik bildirgan. 

Zelenskayaning ma’lum qilishicha, Prezidentlarning rafiqalari tig‘iz vaqtiga qaramay vaqtinchalik muhojirlar oilalaridagi ukrainalik bolalar tahsil olayotgan Parij maktabiga birgalikda tashrif buyuadi. 

“Parij maktablarda ukrain tilini rasmiy o‘rganish boshlangan birinchi fransuz shahriga aylanganidan xursandman. Fransiya hukumati esa hatto ukrain tilini o‘rgatish uchun virtual sinflar ham yaratgan”, deydi Zelenskaya. 

Uning so‘zlariga ko‘ra, Makron xonim ukrainalik ayollar haqida ishtiyoq bilan gapirgan – ukrainalik ayollar bilan uchrashuv chog‘ida ular aql bovar qilmaydigan energiyaga ega insonlar ekanini his qilgan. 

Ukrainaning birinchi xonimi ertaga fransuz hamjamiyatining ko‘magida maxsus oqshomda butun dunyodagi hamma Ukrainani tiklashga qo‘shilishi uchun sentyabr oyida tashkil etilgan o‘ziga tegishli fond taqdimotida ishtirok etadi. 

“O‘ylaymanki, inson huquqlarini (ulardan eng birinchisi yashash huquqidir) hamisha qadrlab kelgan fransuzlar bu ishda ham chetda turmaydi. Axir inson huquqlari chegarasi yo‘q”, deya qo‘shimcha qildi Zelenskaya. 

Ayni vaqtda Zelenskayadan tashqari Bosh vazir Denis Shmigal ham Fransiyada bo‘lib turibdi.