YeCHLda tur o‘yinlari: “Siti” PSJdan revansh oladimi? 

Bugun, 24 noyabrdan 25 noyabrga o‘tar kechasi UEFA Chempionlar ligasi guruh bosqichining 5-turidan o‘rin olgan 8 ta uchrashuv o‘tkaziladi. 

“Inter” o‘z maydonida “Shaxtyor” jamoasini, “Liverpul” “Portu”ni, “Atletiko” esa “Milan”ni qabul qiladi. “Real Madrid” safarda “Sheriff” (Moldova) bilan, “Manchester Siti”  PSJ bilan bahs olib boradi.

Shuningdek, “Beshiktosh” (Turkiya) – “Ayaks” (Niderlandiya), “Sporting” (Portugaliya) – “Borussiya D” (Germaniya) va “Leypsig” – “Bryugge” uchrashuvlari o‘tkazilishi rejalashtirilgan.

“A” guruhida turning markaziy uchrashuvi “Manchester Siti” va PSJ o‘rtasida bo‘lib o‘tadi. Bellashuvda g‘alaba qozongan klub pley-off yo‘llanmasini hal qiladi. Aslida mag‘lub jamoa has “Bryugge” “Leypsig”ni mag‘lub eta olmasa 1/8 final chiptasini hal qiladi. Biroq atigi 1 ochko jamg‘argan germaniyaliklar YeCHL bilan xayrlashib bo‘lgan. 

“V” guruhida peshqadamlik qilayotgan “Liverpul” yuz foizlik natija qayd etgan. Mersisaydliklar keyingi ikki o‘yinda mag‘lub bo‘lgan taqdirda ham 1-o‘rindan pastga tushib ketmaydi. Ikkinchi yo‘llanma uchun, “Portu”, “Atletiko” va “Milan” kurash olib boradi.

“S” guruhida barcha uchrashuvda g‘alaba qozongan “Ayaks” pley-offga yo‘l olgan. Niderlandiyaliklarning bugungi raqibi “Beshiktosh” esa guruhda so‘ngg o‘rinni egallashi aniq bo‘lib ulgurgan. Shuning uchun, hech qanday ahamiyatga ega bo‘lmagan uchrashuvda jamoalar yosh futbolchilarga imkoniyat taqdim etsa, ajab emas. “Sporting” va “Borussiya” ikkinchi o‘rin uchun kurashadi va uchrashuvda g‘alaba qozongan jamoa katta ehtimol bilan 1/8 final masalasini hal qiladi.

“D” guruhida “Real Madrid”, “Inter” va “Sheriff” jamoasida nimchorak final uchun imkoniyat saqlanib qolgan. “Qirollik klubi” Jasurbek Yaxshiboyev to‘p tepadigan Moldova klubini, “Inter” esa autsayder “Shaxtyor”ni mag‘lub etsa, so‘nggi tur rasmiyatchilikka aylanib qoladi.

Eslatib o‘tamiz, “Bavariya”, “Yuventus”, “Ayaks”, “Chelsi”, “Manchester Yunayted” va “Liverpul” allaqachon keyingi bosqichga masalasini hal qilib bo‘lgan.