Yaponiya Imperatori Abdulaziz Komilovni mukofotladi (video)

Yaponiya Imperatori Naruxito O‘zbekiston Respublikasi Prezidentining tashqi siyosat masalalari bo‘yicha maxsus vakili Abdulaziz Komilovni “Chiqayotgan quyosh katta kordon” ordeni bilan mukofotladi. Bu haqda NHK xabar berdi.

Aytilishicha, mukofot Abdulaziz Komilovga Imperatorning Tokiodagi qarorgohida tantanali tarzda topshirilgan. Tadbirda Yaponiya Bosh vaziri Fumio Kisida ham ishtirok etgan

“Ko‘p yillik burchlaringizni rag‘batlantirganingiz, mamlakatingiz, jamiyatingiz va xalqingiz oldidagi fidoyiligingiz uchun barchangizga chuqur minnatdorlik bildiraman”, degan Imperator.

Keyin u mukofotlanganlarning har biri bilan suhbatlashgan.

Ma’lumot uchun, Abdulaziz Komilovga O‘zbekiston va Yaponiya o‘rtasidagi do‘stona munosabatlarni mustahkamlashga qo‘shgan ko‘p yillik hissasi uchun berilgan “Chiqayotgan quyosh katta kordon” ordeni Yaponiyaning eng qadimiy mukofotlaridan biri hisoblanadi. Mamlakatning eng oliy mukofoti hisoblanuvchi ushbu orden 1875 yildan beri mavjud.