Yaponiya hukumati iste’foga chiqdi

Olam 5824
image

Yaponiyaning Bosh vazir Yoshixide Suga rahbarligidagi hukumati to‘liq tarkibda iste’foga chiqdi. Bu haqda “Kyodo” agentligi xabar berdi.

Sentyabr oyining boshida, 2020 yil sentyabr oyida Bosh vazir bo‘lgan Suga, partiya rahbari lavozimiga nomzodini ko‘rsatmasligini e’lon qildi, bu uning hukumat rahbari lavozimidan ketishini anglatadi. 2012-2017 yillar davomida Sindzo Abe hukumatida Tashqi ishlar vaziri bo‘lgan Fumio Kishida partiyalar saylovida g‘alaba qozondi.

Bugun, 4 oktyabr kuni Yaponiya parlamentining har ikki palatasi Bosh vazir nomzodi bo‘yicha ovoz beradi, keyin yangi hukumat rahbari o‘z “kabineti”ni shakllantiradi. Hukumat boshlig‘i partiyalar taqdim etgan nomzodlar orasidan ko‘pchilik ovozi bilan saylanadi. Qoidaga ko‘ra, bu partiyalar rahbarlari bo‘ladi. Shunday qilib, parlamentda ko‘pchilik o‘rinni egallagan partiya rahbari Bosh vazir bo‘ladi. Hozirda Liberal-demokratik partiya yetakchi, demak Fumio Kishida Yaponiyaning 100-Bosh vaziri bo‘ladi.

Siyosatchi bugunning o‘zida rasmiy ravishda hukumat tuzmoqchi. Vazirlik lavozimlariga nomzodlarni tanlash hafta oxirida yakunlangan. Hirokazu Matsuno hukumat bosh kotibi bo‘ladi.

Oldingi hukumatdan yangi tarkibga uch kishi o‘tadi: Tashqi ishlar vaziri Toshimitsu Motegi va Mudofaa vaziri Nobuo Kishi o‘z lavozimlarini saqlab qoladi, Fan va ta’lim vazirligini boshqargan Koichi Xagiuda Iqtisodiyot, savdo va sanoat vaziri bo‘ladi.

Sunnatilla Abdullayev
Maqolaga baho bering
Baholaganlar: 147
Reyting: 3
Teglar
t
×