Yangilangan FIFA reytingida O‘zbekiston nechanchi o‘ringa joylashdi?
Sport
−
06 aprel 2023 4047
Butunjahon futbol assotiatsiyasi (FIFA) terma jamoalarning mart oyi bo‘yicha reytingini e’lon qildi. Reytingning kuchli o‘nligida bir qator o‘zgarishlar kuzatildi.
Yangi reytingda peshqadam o‘zgardi. Fevral oyi yakunlariga ko‘ra, 1-pog‘onada borayotgan Braziliya terma jamoasi ikki pog‘ona pastlab, 3-o‘rinni band etdi. Jahon chempioni Argentina terma jamoasi esa yetakchiga aylanib oldi. Fransiya 3-o‘rindan 2-o‘ringa ko‘tarilib oldi.
Keyingi o‘rinlarni Belgiya (4), Angliya (5), Niderlandiya (6), Xorvatiya (7), Italiya (8), Portugaliya (9) va Ispaniya (10) egalladi.
Mart oyida Janubiy Amerika terma jamolariga qarshi o‘rtoqlik o‘yinlarida qatnashgan O‘zbekiston milliy terma jamoasi reytingda uch pog‘ona yuqorilashga erishdi. Srechko Katanets shogirdlari jadvalda 74-o‘rinni band etdi.
