Янгиланган FIFA рейтингида Ўзбекистон нечанчи ўринга жойлашди?
Спорт
−
06 Апрель 2023 4048
Бутунжаҳон футбол ассотиацияси (FIFA) терма жамоаларнинг март ойи бўйича рейтингини эълон қилди. Рейтингнинг кучли ўнлигида бир қатор ўзгаришлар кузатилди.
Янги рейтингда пешқадам ўзгарди. Февраль ойи якунларига кўра, 1-поғонада бораётган Бразилия терма жамоаси икки поғона пастлаб, 3-ўринни банд этди. Жаҳон чемпиони Аргентина терма жамоаси эса етакчига айланиб олди. Франция 3-ўриндан 2-ўринга кўтарилиб олди.
Кейинги ўринларни Бельгия (4), Англия (5), Нидерландия (6), Хорватия (7), Италия (8), Португалия (9) ва Испания (10) эгаллади.
Март ойида Жанубий Америка терма жамоларига қарши ўртоқлик ўйинларида қатнашган Ўзбекистон миллий терма жамоаси рейтингда уч поғона юқорилашга эришди. Сречко Катанец шогирдлари жадвалда 74-ўринни банд этди.
Live
Барчаси
