Yangi koronavirus qo‘rquvi: Yaponiyaga chet eldan kirishga taqiq qo‘yildi

Yaponiya mamlakat hududida doimiy yashovchi uzoq muddatli vizalari bo‘lgan yaponiyaliklar va chet elliklardan tashqari, dunyoning barcha mamlakatlari fuqarolari uchun mamlakatga kirishni vaqtincha taqiqlashga qaror qildi. Bu haqda Yaponiya Hukumatining bugun, 26 dekabr kuni e’lon qilingan bayonotida aytilgan.

“Cheklovlar bir qator mamlakatlarda koronavirusning yangi turinining aniqlanishi munosabati bilan profilaktika chorasi sifatida kiritilmoqda. Tadbirlar 28 dekabrdan keyingi yilning yanvar oyi oxirigacha kuchga kiradi”, deyiladi xabarda. 

Shuningdek, qisqa muddatli ish safarlarida bo‘lgan Yaponiya aholisi uchun imtiyozlar bekor qilingan. Shu paytgacha ular chet eldan qaytib kelganlaridan keyin ikki hafta davomida karantinda qolish talab qilinmas edi. Endi 28 dekabrdan boshlab ushbu qoida yana amal qilishni boshlaydi.

Bundan tashqari, yangi shtamm aniqlangan mamlakatlardan qaytib kelgan Yaponiya aholisi, kirish vaqtida koronavirus tekshiruvida manfiy natija mavjudligini tasdiqlovchi hujjatga ega bo‘lishlari kerak, ular kelishidan uch kun oldin kechiktirmasdan taqdim etiladi.

Joriy yilning 1 oktyabridan boshqa davlatlar fuqarolari uchun Yaponiyaga kirish cheklovlari yumshatildi. Birinchi bosqichda, bu mamlakatda uzoq muddatli yashash huquqiga ega bo‘lgan odamlarga, shuningdek tibbiy, ta’lim, madaniy va ishbilarmonlik maqsadlarida xizmat safarlariga tarqaldi. Cheklovlarning yumshatilishi Yaponiyada tahsil olayotgan chet ellik talabalarga ham ta’sir ko‘rsatdi.