Vinisiusga 1 milliard yevrolik shartnoma taklif qilindi
Sport
−
28 yanvar
4201Saudiya Arabistonining nomi oshkor etilmagan klubi Madridning “Real” klubi vingeri Vinisius Juniorga butun shartnoma muddati davomida 1 milliard yevro maosh oladigan besh yillik bitim taklif qildi. Bu haqda AS xabar berdi.
Manbaga ko‘ra, Saudiya klubi “qirollik klubi”ga Vinisius transferi uchun 300 million yevro va yiliga 200 million yevrolik shartnoma taklif qilmoqchi. “Qaymoqranglilar” futbolchi transferi uchun 1 milliard yevrodan kam mablag‘ olmoqchi emas, ammo futbolchining o‘zi unga “Al-Hilol” va “Al-Nasr” klublari qiziqish bildirayotganiga qaramay, ayni damda Madrid klubida qolish niyatida.
Joriy mavsumda Vinisius barcha turnirlarda 26 ta o‘yin o‘tkazib, 16 ta gol urdi va 10 ta golli uzatmani amalga oshirdi. Futbolchining klub bilan amaldagi shartnomasi 2027 yilning yoziga qadar tuzilgan. “Transfermarkt” internet portaliga ko‘ra, forvardning taxminiy bahosi 200 million yevroni tashkil qiladi.
LiveBarchasi