Van Damm Ukrainaga bordi
Madaniyat-san’at
−
14 dekabr 2022 10829
Taniqli aktyor Jan-Klod Van Damm bir necha kundan buyon Ukrainada bo‘lib turibdi. U kecha, 13 dekabr kuni Ukrainalik harbiylar bilan ko‘rishgan. Bu haqda mahalliy nashrlar xabar bermoqda.
Gap shundaki, aktyor 8 dekabr kuni Ukraina g‘arbidagi Zakarpatiya viloyatida joylashgan shifoxonada ko‘rinish bergan. Shu yerda ishlaydigan shifokorning taniqli aktyor bilan tushgan surati ijtimoiy tarmoqlarda tarqalgan. Biroq, aktyor nima sababdan shifoxonaga kelgani noma’lumligicha qolgan.
13 dekabr kuni esa Van Dammning ukrainalik politsiya xodimlari bilan tushgan surati ijtimoiy tarmoqlarda paydo bo‘ldi. 13 dekabrdan 14 dekabrga o‘tar kechasi TikTok'da aktyorning Ukraina Qurolli kuchlari askarlari bilan birgalikda “Slava Ukraine” deb baqirgani aks etgan video tarqaldi.
Aktyor ijtimoiy tarmoqlardagi sahifasi orqali Ukrainada tushgan foto va video materiallari bilan bo‘lishmagan va vaziyatga izoh bermagan. Ammo OAV Van Dammning kutilmaganda Ukrainada ko‘rinish berish sababi sifatida ukrainalik qaylig‘i Alena Kaverin bilan uchrashish, degan taxminlarni ilgari surgan.
Ma’lumot o‘rnida, Jan-Klod Van Damm 2020 yilda Ukrainada tasvirga olingan “So‘nggi yollanma askar” serialida ham suratga tushgan edi.
Live
Barchasi