UZTELECOM xalqaro kiberxavfsizlik konferensiyasida 200 dan ortiq mutaxassisni jamladi

Kecha, 6 noyabr kuni Toshkentda kiberxavfsizlik, bulutli texnologiyalar va biznes jarayonlarini avtomatlashtirishga bag‘ishlangan xalqaro konferensiya bo‘lib o‘tdi. Tadbirni UZTELECOM va “Kod IB” kompaniyasi, Kiberxavfsizlik markazi ko‘magida tashkil etdi.

Forumda O‘zbekiston, Rossiya, Qozog‘iston, Belarus va Italiyadan 200 dan ortiq ishtirokchi qatnashdi. Ular orasida davlat idoralari, banklar, telekommunikatsiya operatorlari, IT-integratorlar va audit tashkilotlari vakillari bor edi. Asosiy mavzular – ma’lumotlarni himoya qilish, biznes jarayonlarini avtomatlashtirish, bulutli platformalarga o‘tish va milliy IT-infratuzilmani mustahkamlash.

To‘rtta tematik yo‘nalish bo‘yicha ekspertlar amaliy tajribalarini o‘rtoqlashdi va xalqaro standartlarni joriy etish, kadrlar tayyorlash hamda axborot xavfsizligi bo‘yicha professional hamjamiyatni rivojlantirish masalalarini muhokama qilishdi.

“Konferensiya “Kod IB” – bu 20 yildan beri faoliyat yuritayotgan loyiha. Shu vaqt davomida biz ko‘plab kompaniyalarga axborot xavfsizligini yaxshilashda yordam berdik va boy tajriba orttirdik. Toshkentda bunday konferensiyalarni o‘tkazishimiz yil sayin davom etmoqda. O‘zbekistonning raqamli texnologiyalari juda tez sur’atda rivojlanmoqda, davlat va biznes faol raqamlashtirilmoqda. Axborot xavfsizligi, bulutli texnologiyalar va korxona boshqaruvi sohalariga qiziqish kundan-kunga ortib bormoqda”,  deydi loyiha produseri Olga Pozdnyak.

“Sun’iy intellekt juda tez rivojlanmoqda va bu yangi hajmdagi kiberhujumlarni keltirib chiqaradi. Biz ko‘ramizki, zamonaviy kompaniyalarga ilg‘or himoya tizimlari zarur. Hozir UZTELECOM bunday yechimlarni joriy qilmoqda va kelasi yilda sun’iy intellektdan foydalanib, kiberxavfsizlik bo‘yicha yangi xizmatlarni taqdim etishni rejalashtirmoqda”, deb ta’kidladi “O‘zbektelekom” AK axborot xavfsizligi xizmati boshlig‘i Saidumarov Saidakmal.

Konferensiya ochiq va ishbilarmon muhitda o‘tdi, unda jonli muloqot, amaliy fikr almashinuvi va yangi hamkorlik imkoniyatlari yuzaga keldi.

Mamlakatning yetakchi aloqa operatori sifatida UZTELECOM texnologiyalarni rivojlantirish, foydalanuvchilarning raqamli savodxonligini oshirish va tarmoq xavfsizligini mustahkamlash orqali O‘zbekistonning raqamli ekotizimini barqaror va ishonchli qilishga hissa qo‘shmoqda.

Reklama huquqi asosida