O‘zgidromet 6 viloyat aholisiga tezkor ogohlantirish bilan chiqdi

Gidrometeorologiya xizmati agentligi ob-havoning keskin sovib ketishi ortidan aholiga tezkor ogohlantirish bilan chiqdi. 

Qayd etilishicha, joriy yilning 15-20 mart kunlari kutilayotgan yog‘ingarchilik hamda havo haroratining o‘zgarishi sababli respublikaning tog‘li hududlarida qor ko‘chish xavfi e’lon qilinadi.

Xususan: 

•    Qashqadaryo viloyati: Dehqonobod, Kitob, Qamashi, Shahrisabz tumanlarida;

•    Surxondaryo viloyati: Boysun, Qumqo‘rg‘on, Sariosiyo, Uzun tumanlarida;

•    Samarqand viloyati: Nurobod, Qo‘shrabot, Samarqand, Urgut tumanlarida;

•    Jizzax viloyati: Baxmal, Zomin tumanlarida;

•    Toshkent viloyati: Bo‘stonliq, Parkent, Ohangaron tumanlari (Chotqol tizmasi tog‘lari);

•    Namangan viloyati: Pop tumanida.

“Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan, ehtiyotkorlik choralarini ko‘rishlarini so‘raymiz”, deyiladi xabarda.