O‘zbekistonlik yosh MMA’chilar Jahon chempionatida yuksak natijaga erishdi

Joriy yil 17-20 avgust kunlari Birlashgan Arab Amirliklarining Abu-Dabi shahrida MMA (aralash jang san’atlari) bo‘yicha 12-13, 14-15 va 16-17 yosh toifalardagi sportchilar o‘rtasida Jahon chempionati bo‘lib o‘tdi. Mazkur jahon chempionatida 42 ta davlatdan 479 nafar sportchi g‘oliblik uchun bahs olib bordi. 

Qayd etish joizki, musobaqada O‘zbekiston terma jamoasi ham muvaffaqiyatli ishtirok etib, 5 ta oltin, 2 ta kumush va 6 ta bronza medalini qo‘lga kiritdi.

Jahon chempionatida g‘olib va sovrindor bo‘lgan o‘zbekistonlik sportchilar bilan tanishing:

16-17 yoshli sportchilar:

Oltin:

Anvarjon Hasanov
Amirxon Ziyodinov
Nurulloxon Abdullayev

Bronza:

Nozimjon Sotvoldiyev

14-15 yoshli sportchilar:

Oltin:

Muhammadali Xodjimiyarov
Abdullaziz Abdusattorov

Kumush:

Hojiakbar Nosirjonov

Bronza:

Ibrohimjon Botirov
Mirjalol Mirsaidov

12-13 yoshli sportchilar:

Kumush:

Behruzbek Ravshanov

Bronza:

Mexrojbek Toshpo‘latov
Behruzbek Bahromov
Bahodir Sobirjonov

Esatib o‘tamiz, bundan oldin Turkiyaning Konya shahrida bo‘lib o‘tgan Islom birdamligi o‘yinlarida o‘zbekistonlik sportchilar 51 ta oltin, 42 ta kumush va 65 ta bronza medaliga sazovor bo‘lgandi. Yakunda umumiy hisobda 158 ta medal jamg‘argan O‘zbekiston delegatsiyasi jadvalda ikkinchi pog‘onani band etgan.