O‘zbekistonlik sportchilar Osiyo o‘yinlarining 5-kunida qanday natija qayd etdi? (ro‘yxat)
Sport
−
28 Sentabr 2023
7905Bugun, 28 sentyabr kuni Xanchjoudagi Osiyo o‘yinlarining 13 ta sport turi bo‘yicha medallar jamlanmasi o‘ynalgan 5-kuni o‘z yakuniga yetdi. Unda O‘zbekiston vakillari 3 ta bronza medalini qo‘lga kiritdi.
Quyida bugun erishilgan bronza medallari:
- Taekvondo WT bo‘yicha tashkil etilgan bahslarda o‘zbekistonlik sportchi Svetlana Osipova +67 kg vazn toifasida bronza medalini qo‘lga kiritgan. U murosasiz kechgan yarim final jangida xitoylik Zeki Chjouga imkoniyatni boy berib qo‘ygan.
- Shuningdek, Vladimir Svechnikov o‘q otish dasturida delegatsiya hisobiga yana bir medalni keltirdi. U 10 metrga pnevmatik to‘pponchadan otish dasturida bronza medaliga sazovor bo‘ldi.
- O‘yinlarning tennis dasturi doirasida bahslarga kirishgan Humoyun Sultonov O‘zbekiston delegatsiyasi hisobiga yana bir bronza medalni qo‘shdi. Yarim finalda Jahon tasnif jadvalida 60-o‘rinni egallab turgan xitoylik Chjinchjen Chjanga qarshi bahs olib borgan Sultonov 4:6, 1:6 hisoblarida imkoniyatni boy bergan holda mazkur musobaqani 3-o‘rin bilan yakunladi.
Bu orqali O‘zbekiston delegatsiyasi jami 31 medal (6 ta oltin, 10 ta kumush, 15 ta bronza) jamg‘argan holda umumiy reytingning 4-pog‘onasini band etib turibdi.
LiveBarchasi
Farg‘onada qiymati 76 mln so‘mlik “paqqilloqlar” ushlandi
07 noyabr 2023
Shavkat Mirziyoyev Qatar sobiq bosh vazirini qabul qildi
07 noyabr 2023
Falastin Bosh vaziri Muhammad Shtaye G‘azodagi urush sabab halok bo‘lgan bolalar haqida gapirayotib yig‘lab yubordi
07 noyabr 2023