O‘zbekistonlik futbolchi Turkiya Prezidenti bilan uchrashdi
Sport
−
06 noyabr 2023 13539
Joriy yilning 5 noyabr kunida Turkiya Prezidenti Rajab Toyib Erdo‘g‘an Rizo viloyatiga tashrifi chog‘ida “Rizespor” klubini qabul qilib, jamoa rahbariyati va futbolchilari bilan suhbat qurdi. Bu haqda TRT xabar berdi.
Uchrashuv chog‘ida Prezident “Rizespor” klubida to‘p tepadigan o‘zbekistonlik futbolchi Husniddin Aliqulov ham Turkiya Prezidenti bilan ko‘rishdi.
Uchrashuv davomida “ko‘k-yashillar” jamoasi prezidenti Ibrohim Turgut Prezident Erdo‘g‘anga “Rizespor” libosi va qush haykalini sovg‘a qildi.
Ma’lumot uchun, 24 yoshli Aliqulov shu yilning sentyabr oyidan buyon Turkiya klubi safida to‘p tepib kelmoqda. U joriy mavsum mamlakat chempionatining 10 ta o‘yinida maydonga tushdi. Aliqulovning “Rizespor” bilan shartnomasi 2026 yilga qadar mo‘ljallangan. “Transfermarkt”ga ko‘ra, himoyachining qiymati 1,20 million yevroni tashkil etadi.
Live
Barchasi
